+20 °С
Дождь
Новости
25 Октября 2019, 05:31
Китапханасылар кәңәшләште
Мәскәүҙә Рәсәйҙәге федераль һәм үҙәк төбәк китапханалары етәкселәренең йыл һайын үткәрелә килгән кәңәшмәһе уҙҙы. Сара “Мәҙәниәт” милли проектына ярашлы ойошторолдо.
Мәскәүҙә Рәсәйҙәге федераль һәм үҙәк төбәк китапханалары етәкселәренең йыл һайын үткәрелә килгән кәңәшмәһе уҙҙы. Сара “Мәҙәниәт” милли проектына ярашлы ойошторолдо.
“Мәҙәниәт” милли проекты, китапханаларҙың яңы үҫеш этабы сараның төп темаһын тәшкил итте. Унда Башҡортостандан Ә. Вәлиди исемендәге Милли китапхана директоры Ю.З. Ураҡсин ҡатнашты.
Кәңәшмәлә ҡаралған мәсьәләләр:
* Рәсәйҙә Китапхана эшен үҫтереү концепцияһын булдырыу;
* “Мәҙәни мөхит” федераль проектына ярашлы моделле муниципаль китапханалар асыу: тәүге һөҙөмтәләр һәм киләсәккә мөмкинлектәр;
* “Һанлы мәҙәниәт” федераль проекты. Милли электрон китапхананың һанлаштырылған баҫмалар фондын тулыландырыу. Китап һәйкәлдәре реестры һәм баҫмаларҙы милли электрон китапханаға индереү: специфика һәм процестарҙың эҙмә-эҙлеклелеге;
* Милли электрон китапхана;
* Китапхана фондтарының оҙаҡ һаҡланыуын тәьмин итеү мәсьәләләре;
* Китапхана-мәғлүмәт өлкәһе белгестәре компетенцияларын үҫтереү: проекттар һәм программалар.
Билдәле булыуынса, “Мәҙәниәт” милли проекты өс бүлектән тора: “Мәҙәни мөхит”, “Ижади кешеләр” һәм “Һанлы мәҙәниәт”.
Сығанаҡ: "Башҡортостан" гәзите.
#национальныепроекты#нацпроекты#региональныепроекты#регпроекты#нацпроектыБашкортостан
