Әсәйҙәрҙең изге доғалары

Төрлө сараларҙа ҡатнашалар. Йәштәр өйләнешкәндә, никахтар уҡығанда йә булмаһа йәш киленгә һыу юлы башлағанда дини башҡорт йолаларын күрһәтәләр, төрлө өгөт-нәсихәттәр һөйләйҙәр, изге теләктәр теләйҙәр. Үҙҙәре һигеҙ кешенән торған «Әхирәттәр» исемле фольклор төркөмө лә төҙөгәндәр.

Күптән түгел ағинәйҙәр ауыл китапханаһында «Әсәйҙәрҙең доғалары бәхетле һәм көслө итә» тип исемләнгән сара үткәрҙеләр. Был сараға 1-4-се класта уҡыусы балаларҙың әсәләре саҡырылғайны. Оло апайҙар йәш әсәйҙәргә балалары хаҡында төрлө һорауҙар бирҙеләр. Һәр әсә үҙ балаһына ҡарата тик яҡшы ғына мәғәләмәлә булыуҙары һәм уларға изге матур теләктәр генә теләнеләр. Ағинәйҙәр килгән ҡунаҡтарға доға һәм әсә ҡарғышы тураһында бик фәһемле хикәйәләр һөйләне:

«Бөтә донъя байрам ҡаршыларға йыйына. Ауыл ситендә бәләкәй генә бер өй тәҙрәһендә емелдәп кенә янған ут күренә. Өй эсендә яңғыҙ әсә тәҙрәнән тәҙрәгә йөрөй, ел шаҡылдатҡан тәҙрә ҡапҡастарының тауышына ла һиҫкәнеп китә, күҙҙәре нурлана. Бына хәҙер улы ҡайтып инер ҙә: «Һаумы, әсәй, бына мин ҡайттым!» - тип, йылмайып, уға ҡаршы атлар, көслө ҡулдарын һуҙыр төҫлө. Улы: «Байрамға ҡайтып етәм», - тип сәләм ебәргән. Әсәгә өйө һыуынып киткәндәй булды. Ул яңынан мейесен тоҡандырҙы, инде бешеп, һыуынып бөткән ашын яңынан йылытырға уйлап, плита өҫтөнә ҡуйҙы, һүрелә башлаған самауырына күмер өҫтәп ебәрҙе.

Зәйнәкәй ауылы.