Төнөн ҡайтыр кәрәк булһа, такси саҡыртабыҙ. Яҡташыбыҙ “уңайлыраҡ” ысул таба... Хәҙер ныҡ үкенә!

Төнгө ваҡытта Учалы ҡалаһының бер ихатаһында полицияның патруль-пост хеҙмәткәрҙәре иғтибар итә – йәш ир ВАЗ-2106 автомобиле эсендә нишләптер ултыра. Ҡулында документтары булмай. Тикшерә башлағас асыҡлана: районыбыҙҙың бер ауылында йәшәгән 25 йәшлек уҙаманға төнөн һәм эскән килеш өйөнә ҡайтыр кәрәк була. Тиҙерәк барып етеү өсөн сит кеше машинаһын ҡыуып алып китергә ҡарар итә.