Яйыҡ
-10 °С
Болотло
75 лет Победы
Бөтә яңылыҡтар
Мәғариф, мәҙәниәт
2 Октябрь 2018, 11:12

Музейға тиң ҡапҡа пәйҙә булды ауылда

Башта фотоларға ҡарағыҙ әле. Ҡобағош ауылында көн күргән Рәшиҙә апай Зыкрина ҡапҡаһының ошолай ғәжәп, әкиәттәгесә матур булыуына шатланыу менән сикләнмәй, хаҡлы рәүештә ғорурлана - был гүзәллекте ейәне булдырған бит!

Башта фотоларға ҡарағыҙ әле. Ҡобағош ауылында көн күргән Рәшиҙә апай Зыкрина ҡапҡаһының ошолай ғәжәп, әкиәттәгесә матур булыуына шатланыу менән сикләнмәй, хаҡлы рәүештә ғорурлана - был гүзәллекте ейәне булдырған бит!

Рәссам Илнар Зәйтүневкә әле ни бары ун һигеҙ йәш. Күрше Белорет ҡалаһында тыуған. Рәссамлыҡ һәләте сабый саҡтан беленә башлай уның, башланғыс класс уҡытыусыһы сәнғәт мәктәбенә лә бирергә кәңәш итә. Унда иһә кинәнеп һүрәт төшөрөргә өйрәнә. 2016 йылда, мәктәптә туғыҙынсы класты тамамлағас, Өфө сәнәғәт училищеһына инә.

- Әле дизайн бүлексәһенең 3-сө курсында уҡыйым, әммә был йүнәлеш ни тиклем ҡыҙыҡһындырмаһын, һүрәт төшөрөүҙе бер ҡасан да ташламаҫҡа ҡарар иттем, - ти йәш оҫта.

Тик ҡәҙимге киндер туҡыма йә ҡағыҙ урынына стеналарға һүрәт яһарға әүәҫләнеп ала. Осраҡлы рәүештә был алымға тотона тиерлек. Былтыр өләсәһе, ейәне рәссам булғас, ихата эсендәге бер стенаны нисегерәк биҙәргә, тип кәңәшләшә. Илнар уйлай-самалай ҙа, илһамланып ижад итергә тотона.

Быйыл Ҡобағошҡа килеп, Рәшиҙә апайҙың ҡапҡаһында, башҡа туғандарының ҡаралтыларында фотолағы гүзәллекте пәйҙә итте. Хәҙер, күреп ҡалып, йорт-учреждениеларҙы биҙәргә һорап килеүселәр ҙә күбәйгән ти, сөнки фотолар интернетта ла киң таралды. Кемде ҡыҙыҡһындыра, бәйләнеш өсөн «В Контакте» селтәрендә егеттең адресы - https://vk.com/id396697775.

Илнар кеүектәрҙе башҡорт халҡында «белеп тыуған» тиҙәр, ундайҙар бик йәш көйөнсә лә оҫталыҡ күрһәтәләр. Һүрәт төшөрөү генә түгел бит әле, тәрән ит-еп фекер ҙә йөрөтә: «Көндәлек ығы-зығы, донъя мәшәҡәттәре менән кешеләр тормош матурлығын күрмәй ҙә башлай торған, аяҡ аҫтына ғына ҡарап йөрөй-ҙәр. Минең һүрәттәрем йәшәйеш тәмен тулыраҡ тойорға, тирә-йүндең камиллығын һәм нәфислеген абайларға булышлыҡ итһә, кешеләр саҡ ҡына бәхетле-рәк һәм шәфҡәтлерәккә әйләнә икән - бик ҡәнәғәт буласаҡмын!»

...баш ҡалаларҙағы күргәҙмәләрҙә йыш ҡына сәйер, төрлө төҫтәге таптар уҡмашмаһын күрһәтәләр ҙә, «Был бит заман сәнғәте!» - тип һоҡланырға ҡушалар. Йәнәһе лә, ниндәй колорит һәм композиция, ниндәй ижади идеялар ярылып ята. Әллә инде, ундай «юғары сәнғәт» һуҡыр тингә лә кәрәкмәй, ә бына Ҡобағош ауылындағы йорт-ҡаралтыларҙағы картиналар беҙгә ысын сәнғәт булып тойолдо - яндарынан битараф ҡына үтеүе мөмкин дә түгел! Һәм Ҡобағош ауылы ул-ҡыҙҙарының дәрт үә сәмдәре тағы ла бер тапҡыр һоҡланыу уятты. Афарин!

«Ватыҡ тәҙрә» теорияһы тураһында ишеткәнегеҙ бармы? Ҡыҫҡаса ғына: бинала берәй генә быяла ватылып, тиҙ арала яңыһы ҡуйылмай икән, күпмелер ваҡыттан бер генә теүәл тәҙрә лә ҡалмаясаҡ. Сөнки кешеләр ҡул һелтәй, беҙҙә йүнле бер ни булмай тип төшөнкөлөккә бирелә. Ә бында, беҙ яҙған мәҡәлә-лә ҡапма-ҡаршы осраҡ. Ауылда берәйһе матурлыҡ булдыра икән, ҡалғандар ҙа унан ҡалышмаҫҡа тырыша башлайҙар. Насар ғына түгел, яҡшы ҡылмыштар ҙа йоғошло бит ул, йәмәғәт! Матурайһын ауылдарыбыҙ!

Илшат ӘҒЛӘМОВ.


Читайте нас в