“Ун мәргән” һынау тотто

Ярыш алты этаптан торҙо. Беренсеһе “Һөжүм” тип аталды. Ирҙәр - 30, ҡатын-ҡыҙ 25 метрға 50 секунд эсендә 8-10 уҡ атты. “Тере һыу” этабында сәп икегә бүленгән, уҡты өҫкө яҡҡа тейҙерергә кәрәк ине. “Тиҙ атыш”ты 30 секундта тамамлау шарт ине. Ә “Баҫҡыс” этабында төрлө дистанцияларға ярыштар үткәрелде. “Йәйләү атышы”нда боролоп атырға кәрәк ине. Ә “Үгеҙ” этабында үгеҙ һүрәте төшөрөлгән сәпкә аттылар, уҡтарҙы уның ике тояғына, ике мөгөҙөнә һәм моронона тейҙереү шарт булды. Командалар араһында беренсе урынды "Бөрйән-1", икенсене - "Ирәмәл", өсөнсө урынды "Йөҙөк туғанлығы" (Братство кольца) яуланы. Ун ике команда араһында дүртенсе урынға "Өфө-1" мәргәндәре сыҡты. Шәхси беренселектә Бөрйән рвйонынан Салауат Юлбирҙинға етеүсе булманы.