Иртәнге сәғәт унға 5 мең 648 Учалы районы кешеһе тауыш бирҙе, тип хәбәр ителде. Исемлеккә ингән һайлаусыларҙың 9,8 проценты.
Беҙ үҙебеҙ ҙә ҡаланың филармонияһында урынлашҡан 3147-се участкаға барып, тауыш биреп килдек. Кеше саманан тыш күп түгел, әммә бюллетень алғансы 1-2 кеше сират көттөк. Төп өлөштә урта һәм оло быуын кешеләре. Йәштәр, күрәһең, әлегә йоҡо һимертә. Участкаға КОИБ ҡуйылған, бер-ниндәй хәйләһе юҡ: бюллетенде тәғәйен урынға һалһаң, үҙе һурып ала. Махсус тәғәйенләнгән кеше барыһын да аңлатып тора.