Әллә чупакабра инде?

Благовещенскиҙа йәшәүселәр билдәһеҙ йәнлектең йорт хайуандарына һөжүм итеүҙәре тураһында хәбәр итәләр. “Мал-тыуар аҫраусылар, иғтибарлы булығыҙ. Төндә чупакабра йөрөй, 14 ҡуянды, 20 тауыҡты һығып китә. Уларҙың ҡандары эселгән, эстәре ярылған, - тиҙәр шәхси секторҙа йәшәүселәр. Урында йәшәүселәр хайуандарҙы талаусы ниндәй йәнлек икән, тип аптыраша.

Әйткәндәй, белгестәрҙән һорашҡас, улар беҙгә был йәнлек йәтсә, көҙән, йә һыуһар булыуын әйттеләр. Хәйләкәр йәнлектәр менән көрәшеүҙең бер ысулы – кетәк-һарайҙарҙың тишек-тошоғон нығытырға кәрәк.