Прививка эшләтеп ҡалырға онотма

Шуға ла табиптар, ауырыуҙы иҫкәртеү йәһәтенән, вакцинация яһатырға тәҡдим итә. Үҙәк ҡала дауаханаһының табип-эпидемиологы Мәүлиҙә Зәйнәкәева белдереүенсә, быйыл 32 меңдән ашыу кеше прививкаланырға тейеш.

Ошо көндәрҙә беренсе партия вакциналар ҡайтарылған. 10 мең ампула - өлкәндәр, 3500 балалар өсөн. Препарат Рәсәйҙә етештерелгән, уның турала яҡшы фекерҙәләр, еңел үткәрелә. Төп иғтибар уҡыусыларға, балаларға, уҡытыусыларға һәм табиптарға, йәмәғәт урынында эшләүселәргә, оло йәштәге граждандар - пенсионерҙарға бүленә.

Прививканы сентябрь-октябрь айҙарында эшләтеп ҡалырға ҡушалар. Төбәгебеҙҙә бөгөн вакцинацияға барлыҡ учреждениелар ҙа йәлеп ителгән.Вакцина бушлай яһала, бының өсөн өлкәндәргә поликлиниканың 411-се кабинетына (үҙегеҙ менән паспортығыҙҙы алырға онотмағыҙ), балаларға балалар поликлиникаһының 217-се кабинетына (алдан участка педиатрына күренеү мотлаҡ) килергә кәрәк. Ауыл халҡы прививканы үҙҙәренең фельдшер-акушер пункттарында, табип амбулаторияларында һәм участка дауаханаларында эшләтә. Белешмә алыу өсөн телефон: 6-18-56.