Үлгәнсе эшләгән

Республикабыҙҙан яман шеш менән сирләгән вахтовик ғаиләһен туйындырыр өсөн үлгәнсе һыҙланыуҙы баҫа торған таблеткалар эскән Был хәл август уртаһында уҡ теркәлгән, ләкин беҙ был хаҡта хәҙер генә белдек. Владимирға 38 йәш булған, ул Белоретта йәшәгән һәм вахта менән эшләгән. Йәй аҙағында ул Санкт-Петербургка эшкә киткән. Владимир көн һайын ҡатыны менән һөйләшеп торған, ләкин ҡапыл телефонын алмай башлаған. Ҡатын, хәүефләнеп, полицияға мөрәжәғәт иткән. Полицейскийҙар Санкт-Петербургтағы ҡуртым фатирына килгән, әммә бер кем дә ишек асмаған. Шунан улар фатир хужаһын табып, үҙенең асҡысы менән ишекте асыуын һораған. Владимир коридорҙа үле килеш табылған...