Әбделмәновтар икенсе урында

“Урал тау-металлургия компанияһы”ның 20 йыллыҡ юбилейы уңайынан Үрге Пышма ҡалаһында “Ғаилә” спорт ярышы үтте. Конкурс шарттары буйынса, сарала ҡатнашыу өсөн ғаилә ағзаларының береһе мотлаҡ компания составына ингән предприятиела хеҙмәт итергә тейеш ине. Учалы тау-байыҡтырыу комбинатынан Әбделмәновтар ғаиләһе ҡатнашты. Ғаилә башлығы Артём байыҡтырыу фабрикаһында машинист булып эшләй, ҡатыны Аделия тау-байыҡтырыу комбинатының химик лабораторияһында лаборант.

Приморье, Алтай, Ленинград, Киров, Томск, Төмән, Ырымбур, Владимир, Кемер өлкәләренән, Ҡарасай-Черкес республикаһынан килгән ярышташтары араһында Башҡортостандан яҡташтарыбыҙ уңышлы сығыш яһай. Һайланма турҙа ышаныслы рәүештә алты финалсы исемлегенә инеп, ғаилә ярышында икенсе урын яулайҙар. Ҡотлайбыҙ, афариндар!