Яйыҡ
-8 °С
Болотло
75 лет Победы
Бөтә яңылыҡтар
On-line яңылыҡтар
28 Октябрь 2019, 11:20

Кем ғәйепле һуң?

Хеҙмәттәштәренә атҡан 20 йәшлек Рәмил Шәмсетдиновты армияға Татарстандан саҡыртҡандар. Быйыл 4 июлдә хеҙмәт итә башлаған. Яҡындары уны имен ғаиләнән, тыныс егет тип билдәләй. Нимә этәргән һуң һалдатты был ҡот осҡос аҙымға?


Хеҙмәттәштәренә атҡан 20 йәшлек Рәмил Шәмсетдиновты армияға Татарстандан саҡыртҡандар. Быйыл 4 июлдә хеҙмәт итә башлаған. Яҡындары уны имен ғаиләнән, тыныс егет тип билдәләй. Нимә этәргән һуң һалдатты был ҡот осҡос аҙымға? Илдең Оборона министрлығынан “армиялағы хеҙмәткә бәйле түгел, шәхси сәбәптәр арҡаһында булған” тиһәләр ҙә, матбуғатта тап армия хеҙмәте, дөрөҫөрәге ундағы “дедовщина” ғәйепле тигән мәғлүмәттәр донъя күрҙе. Мәғлүм булыуынса, егет ҡарауыл алмашынған мәлдә, ҡоралын тапшыраһы урынға, әлеге һалдат офицерға атып ебәрә. Башҡалары шунда уҡ иҙәнгә йығылып бөтһә лә, уларға ла ут аса. Әле был хәлгә асыҡлыҡтар индерелде.


Төп фарыз буйынса, барыһына ла лейтенант Данил П. ғәйепле. Уның ҡулы аҫтында хеҙмәт иткән һалдаттар лейтенанттың “бабайлыҡ”ойоштороуы тураһында хәбәр итә. Имеш, һалдаттарҙы кәмһеткән, төнө буйы йоҡо бирмәгән, противогаз кейҙереп, устав ятлатырға мәжбүр иткән, үҙенә ашарға һатып алдыртҡан һәм башҡа юлдар менән егеттәрҙе түбәнһеткән. Үлтерелгәндәр араһында шул лейтенанттың да булыуы билдәле.


Бынан тыш, Рәмилде татар булғаны өсөн дә кәмһеткәндәр, тигән фараз бар. Күрәһең, быларҙың барыһы ла егеттең психикаһына ныҡ йоғонто яһағандыр.


Рәмил ҡулға алынған саҡта ҡаршылыҡ күрһәтмәгән. Әле уға ҡарата енәйәт эше асылған, тикшереү бара. Егеткә ғүмеренең аҙағына тиклем төрмәлә ултырыу янай.

"Башҡортостан" гәзите


Читайте нас в