Юл тайғаҡ, ЮХХДИ хеҙмәткәрҙәре водителдәргә юлдарҙа иғтибарлы булырға саҡыра. Шуға ҡарамаҫтан, күҙенә аҡ-ҡара күренмәйсә сабыусы “шумахерҙар” күп шул. Мәҫәлән, кисә ана шундай ҡыуып йөрөүселәрҙең береһе арҡаһында Учалы ла саҡ фажиғә теркәлмәне. Белорет – Учалы – Мейәс юлының 63-сө километрында ауырыуҙы алып китеп барған “Ашығыс ярҙам” машинаһы ауа. Ул юлын киҫеп сыҡҡан “текә” автомобиль арҡаһында һәләкәткә осрай, юлдан кюветҡа оса. Ә бына юл ҡағиҙәһен боҙған “Джип” водителе һәләкәт урынынан ҡасҡан.
ЮХХДИ-һының матбуғат хеҙмәте хәбәр итеүенсә, һәләк булыусылар юҡ, һәләкәт урынынан ҡасҡан водителде эҙләйҙәр.