Яйыҡ
-20 °С
Болотло
75 лет Победы
Бөтә яңылыҡтар
On-line яңылыҡтар
8 Ноябрь 2019, 22:45

Үкенесле, үҙе генә юҡ шул.

"Башҡортостан" дәүләт концерт залында Рәсәй Эске эштәр министрлығы хеҙмәткәрҙәренең һөнәри байрамы айҡанлы тантана уҙҙы. Башҡортостан буйынса эске эштәр министры Роман Деев хеҙмәттәштәрен байрам менән ҡотлап, ведомство наградаларын тапшырҙы. Улар араһында яҡташыбыҙҙың, быйыл ғинуар айындаУчалыла булған фажиғәлә күрше ҡатынды яҡлап һәләк булған полиция майоры Рәфис Нурмөхәмәтовтың да исеме яңғыраны, тик үҙе генә юҡ шул. Ул үлгәндән һуң Батырлыҡ ордены менән наградланды, награда уның ҡыҙына тапшырылды.

Учалы районында 13 ғинуар иртәһендә теркәлгән фажиғәне бөгөн дә оноторлоҡ түгел. Ҡот осҡос енәйәт Учалы ауылында теркәлде. Ир кеше ҡатыны менән бәхәсләшкәндән һуң ҡулына һунар мылтығы ала. Ярҙам һорап күршеләренә йүгергән ҡатыны эҙенән сығып ул ауылдаштарының ғүмерен ҡыя. Фажиғәнең бер ғәйепһеҙ ҡорбандарының береһе Гөлсиә Хилажева. Халыҡ араһында ул Учалы һандуғасы исеме менән танылып өлгөргән һәләтле башҡарыусы. Ҡоторған ире Гөлсиә Хилажеваның ғүмерен ҡыйғандан һуң бисара ҡатын тәртип һаҡлау хеҙмәткәре, полиция майоры Рәфис Нурмөхәмәтовтың йортонда һыйыныу эҙләй. Ир яраланған ҡатынды өйөндә йәшерә, аңы томаланған ирҙе тынысландырырға тырыша (ошо арала ғаиләһен дә йәшереп өлгөрә, үҙенең ғүмерен биреп яҡындарын ҡотҡарып ҡала). Әммә енәйәттә ғәйепләнеүсе тәҙрәне ватып эскә үтеп инә һәм йорт хужаһын үлемесле яралай.


Ҡан ҡойошто ойошторған әҙәм ҡорбанын буш торған йорттарҙың береһендә ҡыуып етә.Ҡатынын һәләк иткәндән һуң үҙенең дә ғүмерен ҡыя.
Читайте нас в