Мәсеттә имамды эҙләгән

Өфөлә "Хәмзә" мәсетендә янғын сығыуы тураһында яҙғайныҡ. Полиция ҡараңғыла мәсет эсендә шырпы яндырып мулланы эҙләгәндә осраҡлы рәүештә мәсеткә ут төртөүҙә ғәйепләнгән 39 йәшлек ирҙе ҡулға алған.

Ирҙең һүҙҙәренә ҡарағанда, ул иҫерек булған. Мәсет янынан үтеп барғанда, ишектең асыҡ икәнен күргән. Эстә ҡараңғы булғас, ул имамды эҙләйем тип, шырпы тоҡандыра. Әммә бер кемде лә тапмағас, шырпыһын ташлап, мәсеттән сығып китә. Ошо арҡала янғын сыға. Ир ҡылған ғәмәле өсөн үкенә (айнығас бөтәһе лә шулай, тәүбәгә килгән була шул ). Иман йортона килтерелгән зыян иҫәпләнә.