-5 °С
Ҡар
Бөтә яңылыҡтар
Сәйәсәт, иҡтисад
17 Июль 2018, 10:45
Был донъяла ниҙәр бар?
2016 йыл Рәсәй Тәфтиш комитетына табиптарҙың хаталарына йә тейешле ярҙам күрһәтмәүҙәренә 4900 ялыу килгән була, былтыр - 6000. 2017 йыл һәммәһе 1791 енәйәт эше ҡуҙғатыла (2016 йыл - 878). Ошондай тенденциянан сығыптыр инде, Тәфтиш комитеты Енәйәт кодексына «Медицина ярҙамын тейешлесә күрһәтмәү» тигән айырым статья индерегә тәҡдим итте. Әле медицина хеҙмәткәрҙәренә үҙ бурыстарын талап ителгәнсә үтәмәгән өсөн айырым статья юҡ икән, был йәһәттә һөнәри енәйәт ҡылһалар, «Вазифа бурыстарына һалҡын ҡараш» («Халатность») буйынса яуап тоталар.
2016 йыл Рәсәй Тәфтиш комитетына табиптарҙың хаталарына йә тейешле ярҙам күрһәтмәүҙәренә 4900 ялыу килгән була, былтыр - 6000.
2017 йыл һәммәһе 1791 енәйәт эше ҡуҙғатыла (2016 йыл - 878). Ошондай тенденциянан сығыптыр инде, Тәфтиш комитеты Енәйәт кодексына «Медицина ярҙамын тейешлесә күрһәтмәү» тигән айырым статья индерегә тәҡдим итте. Әле медицина хеҙмәткәрҙәренә үҙ бурыстарын талап ителгәнсә үтәмәгән өсөн айырым статья юҡ икән, был йәһәттә һөнәри енәйәт ҡылһалар, «Вазифа бурыстарына һалҡын ҡараш» («Халатность») буйынса яуап тоталар.
Инновация - «яңырыу» һүҙенән барлыҡҡа килгән, заман менән бергә атлауҙы аңлата, элек ғилми-техник прогресс тип атай торғайныҡ. Беҙҙә «инновация» тип күп һөйләнә, әммә хәлдәр шәптән түгел икән. Бөтә донъя интеллектуаль милек ойошмаһы инновацион үҫеш буйынса рейтинг төҙөнө. Иң алда Швейцария, Нидерланды һәм Швеция. Рәсәй иһә 46-сы урында. Беҙҙе Ҡытай ғына түгел, хатта, Эстония, Литва һәм Украина (!) үтеп киткәндәр, ти. Борсолорға урын бар!
«Fiat» автоконцернының бер филиалы 2 көнгә забастовка иғлан итте. Данлыҡлы футбол-сы Криштиану Роналду Италияның «Ювентус» клубына күсеүгә ошо рәүештә ризаһыҙлыҡ белдерәләр. Баҡһаң, предприятие етәкселеге футболсыны 105 миллион долларға һатып алыу сығымдарының бер өлөшөн күтәргән икән, спонсорлыҡ күрһәткән, ә эшселәргә «...компанияның хәле ауыр», - тип тылҡыйҙар, эш хаҡтарын арттырмайҙар. Белешмә өсөн: Италияла уртаса айлыҡ килем (һалым түләгәндән һуң) - 1578 евро, 1 евро - 72 һум.
Яңыраҡ Мексикала президент итеп Андрес Мануэль Лопес Обрадор һайланды. Ниндәй юлбашсы булырҙыр, әммә был илдә сәйәсмәнлек батырлыҡ талап итә икән. 2017 йылдың 1 июленән быйылғы 1 июлгә тиклем барған «һайлау алды дискуссияларында» 774 сәйәсмәнгә, 429 дәүләт чиновниктарына һө-жүмдәр теркәлә, һәммәһе 152 сәйәсмән, 371 чиновник үлтерелә. Иҫән булһа, ошондай тура мәғәнәлә ҡан ҡойошло көрәштә еңеп сыҡҡан президент быйыл беренсе декабрҙән вазифаларын башҡарыуға тотонасаҡ.
Мәскәү талпан кеүек бар илде һурғас, аҡса ла күп шул унда. Ә аҡса булһа, төрлө льготалар индереү бер ни тормай. Пенсионерҙар, күп балалы ғаиләнән атай йә әсәй кеше, инвалид бала тәрбиәләүсе ата-әсәләр (һәммәһе 2,8 миллион кеше!) Мәскәү ҡалаһы йәмәғәт транспортында әлегә тиклем дә бушлай йөрөй ине, хәҙер Мәскәү өлкәһе буйынса электро-поездарҙа тикәйгә елдерәсәктәр. «Тикәй» тип әйтеү дөрөҫ түгел инде, ҡаҙна аҡсаһына, рәсәйлеләрҙең уртаҡ аҡсаһына.
Микрофинанс ойошмаһы тип аталған рибасылыҡ оялары күбәйҙе. Төп-башҡа ултыртыуҙары бик тә ихтимал, коллектор тип аталған бандиттар кешеләрҙе нисек яфалауҙары тураһында телевизорҙан күреп тораһығыҙҙыр. Шуға ла, бындай контораларға мөрәжәғәт итер алдынан, исмаһам, рәсми рәүештә эшмәкәрлек алып баралармы-юҡмы икәнлекте асыҡлау хәйерле булыр. Быны БР Милли банкы бүлексәһе аша асыҡларға мөмкин: электрон адрестары - [email protected], телефондары - 8 (347) 279-63-55
Салауат ҡалаһындағы холоҡ төҙәтеү колонияһында (ИК-16) яңы цех сафҡа индерелде, иректән мәхрүм ителгән 10 граждан маргарин етештереү менән мәшғүл. Ҡеүәте - йылына дүрт йөҙ тонна продукция. Бер генә теләк - майҙы башлыса үҙ системаларында туҡланыуҙы ойоштороуға ебәрһендәр ине.
Илфат ЯНБАЕВ әҙерләне.
Читайте нас:
© 2024 Общественно-политическая газеты муниципального района Учалинский район Республики Башкортостан. Издается с 1991 года. Учредитель: Агентство по печати и средствам массовой информации Республики Башкортостан и ГУП РБ Издательский дом "Республика Башкортостан".
Свидетельство ПИ № ТУ02-01481. Издание зарегистрировано Управлением Федеральной службы по надзору в сфере связи, информационных технологий и массовых коммуникаций по Республике Башкортостан 06 ноября 2015 г.
Телефон редакции: (34791) 6-06-92. Главный редактор: (34791) 2-06-79. Е-mаil: [email protected]
Телефон
8(34791) 2-06-79
Электрон почта
Адресы
453700, Республика Башкортостан, г. Учалы, ул. Строительная, 16.
Реклама хеҙмәте
8(34791) 6-16-80, 6-06-92
Редакция
8(34791) 6-15-80
Ҡабул итеү бүлмәһе
8(34791) 6-15-80
Хеҙмәттәшлек
8(34791) 6-16-80, 6-06-92
Кадрҙар бүлеге
8(34791) 6-15-80