Яйыҡ
+16 °С
Болотло
Бөтә яңылыҡтар
27 Март , 12:40

Башҡортостанда нисек донор булырға?

🩸 Даими рәүештә ҡан тапшырған сәләмәт донор — мохтаж пациенттың ваҡытында ярҙам алыуына гарантия. Нисек донор булырға – Башҡортостан Республикаһы Һаулыҡ һаҡлау министрлығы белгестәре аңлата.

 Донор булыу өсөн шарттар:

— һеҙгә 18 йәш;
— тән ауырлығы 50 килограмдан күберәк. Тән массаһы индексы 18,5-тән кәм түгел һәм 40-тан ашмай — уны һылтанма буйынса үтеп иҫәпләп сығарырға мөмкин: vk.cc/8lVe0r;
— тән температураһы нормала (37°С-тан түбән);
— һеҙ Рәсәй Федерацияһы гражданы йәки Рәсәйҙә кәм тигәндә 1 йыл йәшәү тураһында документтары булған сит ил гражданы;
— донацияға тиклемге һәм унан һуңғы тәҡдимдәрҙе үтәйһегеҙ: vk.cc/8DpD1x;
— донор булыу өсөн ҡаршылыҡтар юҡ: vk.cc/8vgi40;
— һуңғы айҙа һеҙ сит илгә сыҡманығыҙ;
— вакцинацияның тулы циклынан һуң 1 ай үткән;
— COVID-19 сирле менән ауырыған булһағыҙ, тулыһынса һауыҡҡандан һуң кәмендә 1 ай үткән.

🏥 Башҡортостанда ҡайҙа ҡан тапшырырға мөмкин?

— Өфө ҡалаһы, Батыр урамы, 41, 1-се корпус адресы буйынса Республика ҡан тапшырыу станцияһында. Эш көндәрендә сәғәт 8.00-ҙән 13.00 сәғәткә тиклем яҙылмайынса ҡан тапшырырға мөмкин;
— Республика ҡан биреү станцияһы филиалында. Адрестар исемлеге - ошонда: vk.cc/cvANFQ.

🤝 Донорҙар өсөн республикала социаль ярҙам саралары бар:

— донация мәленән алып календарь йыл дауамында 2 ял көнөнә хаҡлыһығыҙ: vk.cc/cvANSc;
— Республика ҡан тапшырыу станцияһы һәм уның филиалдары туҡланыу өсөн йәшәү минимумының 5 проценты күләмендә компенсация түләй.

Ҡан тапшырыу процедураһының нисек үтеүе хаҡында киләһе яҙмала уҡығыҙ.

#Аңлатабыҙ_Башҡортостан

Читайте нас: