Бөтә яңылыҡтар
9 Мая - День Победы
25 Апрель , 10:55

"Төн буйына яуған ямғыр Йыуҙы бысраҡ тәҙрәләрҙе...."

Төркөмдәшебеҙҙең бик тә фәһемле шиғыры!

"Төн буйына яуған ямғыр Йыуҙы бысраҡ тәҙрәләрҙе...."
"Төн буйына яуған ямғыр Йыуҙы бысраҡ тәҙрәләрҙе...."

Күңел - тәҙрә.

Ауылға төштө бер килен:
Ситтән килгән бер "шәп" ҡатын.
Кеше менән булышты ул,
Уйламайса алдын - артын.
Ҡара әле, күршеләрҙең
Йыуған кере - ниндәй бысраҡ?!
Ҡатын, тәҙрә аша ҡарап,
Үҙ иренән ҡуйҙы һорап.
Көндәр үтте. Бөтә донъя
Улар өсөн булды бысраҡ.
Ошо хәлгә нөктә ҡуйҙы, -
Көтмәгәндә ыңғай осраҡ.
Төн буйына яуған ямғыр
Йыуҙы бысраҡ тәҙрәләрҙе.
Иртән торғас, ҡатын асты
Тәҙрәләге пәрҙәләрҙе.
Аптыраны: ни өсөндөр
Таҙа ине бөтә донъя.
...Күңел - тәҙрә. Һин дә, кешем,
Күңелеңә бысраҡ йыйма!

  Рамай Ҡаһир, https://vk.com/id470811619

Автор:Ильфат Янбаев
Читайте нас в