Яңы һулыш алды

"Мәҙәниәт" милли проекты сиктәрендә ҡала-районыбыҙҙа маҡсатлы эштәр йылдам темпта алып барыла. Сиратта инде дүртенсе объект – ремонтланған Ҡобағош клубын тантаналы рәүештә асыу көтөлә.

Бөгөнгө көндә ауылда 170 йорт иҫәпләнә, 300-ҙән ашыу кеше йәшәй. Бина 1980 йылда төҙөлгән, капиталь ремонт күптән талап ителә ине. Ремонтҡа 4 миллион 800 мең һум аҡса бүленгән. Эштәрҙе Белорет ҡалаһынан “Энерготехсервис” йәмғиәте башҡарған. Хәҙер мәҙәниәт учреждениеһын танырлыҡ та түгел, элеккеһе менән айырма ер менән күк араһы. Түбәһен алыштырғандар, сәхнә, тамаша залы, стеналарын, иҙәндәрен яңыртҡандар. Клубтың икенсе ҡатында урынлашҡан китапхана ла яңы һулыш аласаҡ.

#национальныепроекты#нацпроекты#региональныепроекты#регпроекты#нацпроектыБашкортостан