Башҡорт телен яратам!

Бөтә донъя башҡорттары ҡоролтайы Башҡарма комитеты “Башҡорт телен яратам” интернет-конкурсы иғлан итте.

4 йүнәлештән торған ижади бәйге социаль селтәрҙәрҙә ойошторола.

Шуларҙың береһе «Һаумы, һаумы, әкиәт» конкурсы. Бында мәктәпкәсә белем биреү учреждениелары тәрбиәләнеүселәре һәм 1-4 класс уҡыусылары ҡатнаша.

Башҡорт һәм башҡа халыҡ әкиәттәре буйынса сығыш әҙерләп, видеояҙмаһын ойоштороу комитетына ебәрергә кәрәк. Социаль селтәрҙәрҙә иһә #ҡоролтай #Башҡорттелекөнө хештегтары менән билдәләп һалыу талап ителә.

Видеороликтың оҙонлоғо 3-5 минуттан артырға тейеш түгел.

Жюри ағзалары видеороликтың эстетик биҙәлешен,телмәр байлығын, һөйләү оҫталығын иҫәпкә ала. Күмәк сығыштарға ла шундай уҡ талаптар. Видеороликтың оҙонлоғо -10 минутҡа тиклем. “Һаумы,һаумы, әкиәт” конкурсында ерле һөйләш, диалектҡа хас тел үҙенсәлектәрен дә ҡулланырға мөмкин. Материалдар 2019 йылдың 8 декабренә тиклем ҡабул ителә.

Тулыраҡ ҠОРОЛТАЙ/КУРУЛТАЙ төркөмөндә.