Яҡташыбыҙ - Йыл директоры

"Ҡатын-ҡыҙ - йыл директоры-2019" республика конкурсы һөҙөмтәләре буйынса "Дорзеленстрой" йәмғиәте директоры Римма Әһлиуллина "Ышаныслы партнер" номинацияһында еңеү яуланы. Ҡотлайбыҙ! Конкурс Рәсәйҙә 1996 йылдан алып ойошторола. Быйыл да сара эшҡыуар ҡатын-ҡыҙҙарҙың иң сағыу вәкилдәрен йыйҙы. Уның төп маҡсаты - лидер ҡатын-ҡыҙҙарҙың йәмғиәттәге ролен, уларҙың төрлө эшмәкәрлек өлкәләренә индергән өлөшөн асыҡлау, бизнеста ҙур уңыштарға өлгәшә алған ҡатындарҙы билдәләү. Сарала бөтә төр милек формаһындағы тармаҡ предприятиелары, шулай уҡ башҡарма һәм муниципаль власть органдары, йәмәғәт ойошмалары етәкселәре ҡатнашты.