Рухлы егеттәребеҙ булғанда башҡорт теле йәшәйәсәк әле!

Ханты-Манси автономиялы округының Сорғот ҡалаһында башҡорт теле һәм әҙәбиәтен, Башҡортостан мәҙәниәтен һәм тарихын өйрәнеү буйынса өҫтәлмә белем биреү мәктәбе эш башланы.Изге башланғысты Бөтә донъя башҡорттары ҡоролтайының Йәштәр советы ағзаһы, яҡташыбыҙ, Рысай ауылы егете - Айнур Марат улы Сәғитов етәкләй. Киләсәктең үҫеп килеүсе быуынға бәйле булыуын яҡшы аңлаған сәмле егет милләттәштәребеҙҙең балаларын туған телдән, моңдан яҙҙырмау өсөн күп көс түгә: дәрестәр үткәреү өсөн бина табыу, аренда хаҡын түләү, ата-әсәләр менән тығыҙ хеҙмәттәшлек урынлаштырыу, тәжрибәле уҡытыусылар табыу, эшлекле команда туплау – былар барыһы ла йәмәғәт башланғысында атҡарылған эштәр.