Журналистар - гүйә, юртаҡтар...

13 ғинуарҙа Рәсәй матбуғаты көнө билдәләнә. Был күркәм дата журналистарҙың ғына түгел, шулай уҡ полиграфия өлкәһендә эшләүселәрҙең, гәзит - журналды таратыусыларҙың байрамы булып тора. Хөрмәтле киң матбуғат хеҙмәткәрҙәрен һөнәри байрамдары менән ихлас ҡотлайым! Уларға һаулыҡ, ғаилә именлеге, балалар ҡыуанысы, оҙон, бәхетле ғүмер теләйем. Эштәре уң булһын, милләттәштәребеҙ күңеленә рухи ҡәнәғәтлек, рухи байлыҡ өҫтәһендәр!ЖурналистарғаГәзит - журнал сығарырға кәрәк,Булмай беҙҙең ҡай саҡ буш саҡтар.Туған телем, илем тиеп, янған-Журналистар - гүйә, юртаҡтар.Ҡар уйнатып, көрттәр ярып киләм, Ҡар аҫтында ҡалған һуҡмаҡтар.Ҡаршылыҡтар артҡан һайын, беләм,Сәмләнеп тә китә юртаҡтар!Кәрәк булһа - уттар кисербеҙ беҙ,Арабыҙҙа юҡ ул ҡурҡаҡтар....Яҙғы бәйгеләргә әҙерләнеп,Аҡ ҡар яра ярһыу юртаҡтар!