Яңы Байрамғол мәктәбендә ауылдың арҙаҡлы ғаиләһе - Мортазиндарға арналған музей асылды

Ауылға нигеҙ һалған Байрамғол уҙамандың нәҫелен лайыҡлы дауам иткән Мортазиндар башлыса дини тәрбиә, мәғрифәтселек менән шөғөлләнә. Экспонаттар оҙаҡ йылдар мәктәп директоры булып эшләгән Мотаһар Мортаза улының ғаиләһе тырышлығы менән тупланған. Музейҙағы төп мөйөш Башҡортостандың халыҡ артисы Әхәт Мортазинға арнала. Ауылдаштарының ғорурлығы - танылған дикторҙың исемен мәңгеләштереүгә мәктәп етәкселеге, айырыуса музей етәксеһе Рәмзиә Шаһиева күп көс һала.