0 °С
Болотло
Бөтә яңылыҡтар
Новости
26 Февраль 2020, 16:10
Баланы ҡарабойҙай менән “тәрбиәләгән” ата-әсәгә хөкөм ҡарары ҡабул ителде
Омск ҡалаһындағы хәл ил халҡын шаҡ ҡаттырҙы - үгәй атай баланы ысын мәғәнәһендә язалаған, ә әсә кеше (уны әсә тип әйтергә тел дә әйләнмәй) был хәлде ситтән тыныс ҡына күҙәткән.Ир малайҙы төрлө ғәйеп табып туҡмаған, башын стенаға ҡуша бәргән һәм 8-9 сәғәт буйы ҡарабойҙай ярмаһында тубыҡланып торорға мәжбүр иткән. Үҙе һәм әсәһе ятып йоҡлаған, ә бала, ҡымшанырға ла ҡурҡып, ярма өҫтөндә үҙәккә үтерлек ауыртыуҙы түҙеп торған. Баланы күҙәтеү өсөн өлкәндәр видеоны тоҡандырып ҡуйған.
Малай мәктәптә тик яҡшы яҡтан ғына телгә алына, ул яҡшы уҡый, төрлө сарала әүҙем ҡатнаша. Берҙән-бер көндө ул күршеһенә ғаиләһендәге түҙеп торғоһоҙ "тәрбиә ысулдары" хаҡында һөйләй. Күрше баланың ни өсөн һәр саҡ лейкопластырь менән йөрөгәнен аңлай һәм полицияға хәбәр итә. Бәләкәсте иң беренсе тикшергән шәфҡәт туташы, 40 йыл эшләү дәүеремдә бындай яраларҙы тәүге тапҡыр күрәм, ти. Ярма тирегә тәрәнгә үтеп инеп, тотош язвалар барлыҡҡа килгән, хатта тәндә үҫә башлаған булған. Табиптарға тубыҡ тиреһен алмаштырырға тура килгән.
Судта ир менән ҡатын ғәйебен өлөшләтә таныған. Үгәй атайҙы - 4,5 йылға, әсәне 1,5 йылға иректәренән мәхрүм иткәндәр. Ирле-ҡатынлы еңел ҡотолған, тип иҫәпләй күптәр. Үҙҙәрен ҡарабойҙай менән язаларға кәрәк, нисек түҙерҙәр ине, тип яҙалар социаль селтәрҙәрҙә.
"Йәшлек".
Читайте нас:
© 2025 Общественно-политическая газеты муниципального района Учалинский район Республики Башкортостан. Издается с 1991 года. Учредитель: Агентство по печати и средствам массовой информации Республики Башкортостан и ГУП РБ Издательский дом "Республика Башкортостан".
Свидетельство ПИ № ТУ02-01481. Издание зарегистрировано Управлением Федеральной службы по надзору в сфере связи, информационных технологий и массовых коммуникаций по Республике Башкортостан 06 ноября 2015 г.
Телефон редакции: (34791) 6-06-92. Главный редактор: (34791) 2-06-79. Е-mаil: [email protected]
Телефон
8(34791) 2-06-79
Электрон почта
Адресы
453700, Республика Башкортостан, г. Учалы, ул. Строительная, 16.
Реклама хеҙмәте
8(34791) 6-16-80, 6-06-92
Редакция
8(34791) 6-15-80
Ҡабул итеү бүлмәһе
8(34791) 6-15-80
Хеҙмәттәшлек
8(34791) 6-16-80, 6-06-92
Кадрҙар бүлеге
8(34791) 6-15-80