Ете кеше коронавирус йоҡторған

Рәсәйҙә коронавирусты йоҡторған кешеләр һаны етәүгә етте, тип хәбәр итә ТАСС. Был юлы Италия кешеһе сирҙе эләктергән.

Ул Рәсәйгә февраль аҙағында килгән. Уның ауырыуҙы еңелсә үткәреүе билдәле, хәл торошо ҡәнәғәтләнерлек, ти табиптар. Шулай итеп, бөгөн илдә вирустың яңы төрөн йоҡторған ете кеше билдәле. Улар менән бәйләнештә булғандарҙың сәләмәтлеге күҙәтеү аҫтында. Тәүгеләре Ҡытай граждандары - Төмәндә һәм Читала, круиз лайнерынан ҡайтҡан өс кеше - Ҡазанда. Аҙаҡ Мәскәүҙә Италиянан ҡайтҡан туристың сирҙе йоҡтороуы ла билдәле булды.

"Башҡортостан" гәзите