Путинға сертификат бүләк итергә теләйҙәр

Өфөнөң шәхси медицина клиникалараның береһендә Владимир Путинға бер йыллыҡ медицина хеҙмәтләндереүенә сертификат бүләк итергә теләүҙәрен хәбәр итәләр. Иғлан күптән түгел Авито сайтында баҫылып сыҡты. Ә кем сертификатты президентҡа шәхсән алып барып бирә уға 1,5 миллион һум түләйәсәктәр, әле клиника курьер эҙләү менән мәшғүл. Был кеше клиника табиптарынан сертификатты барып алырға һәм Путинға тапшырырға тейеш. Иң ҡыҙығы сертификатты үҙеңдә бер нисек тә алып ҡалып йәиһә яҡыныңа бүләк итеп булмай. Документ исемле һәм Владимир Путинға ғына тәғәйенләнгән. Йәғни документты алыу өсөн Путинға паспортын күрһәтергә кәрәк буласаҡ. Вакансия әлегә асыҡ, миллион ярым аҡса эшләргә теләүсе табылмаған. Клиника сайтына ышанһаң, сертификат эйәһенә юғары кимәлдә хеҙмәтләндереү күрһәтеләсәк, организмына тулыһынса медицина тикшереүе үткәреләсәк.