Медицина хеҙмәткәрҙәренә дәртләндереү түләүҙәре

Радий Хәбиров медицина хеҙмәткәрҙәренә дәртләндереү түләүҙәрен билдәләү хаҡындағы указға ла ҡул ҡуйҙы.

Шулай итеп 18 марттан айырым хеҙмәт шарттарында һәм өҫтәмә көсөргәнеш менән эшләгән, коронавирус штаммы нигеҙендә сирләүселәргә ярҙам күрһәткән, шулай уҡ яңы коронавирус инфекцияһына лаборатор тикшереүҙәр үткәргән белгестәргә өҫтәмә түләүҙәр буласаҡ. Табиптар һәм медицинаға инмәгән юғары белемле белгестәр - 25-әр мең һум, урта медицина персоналы – 15-әр мең һум, кесе медицина персоналы 5-әр мең һум өҫтәмә аҡса аласаҡ.

Яңы коронавирус инфекцияһына бәйле хәүеф төркөмөнә ҡараған кешеләрҙе хеҙмәтләндергән табиптарға өҫтәмә түләү 5-әр мең һум буласаҡ, урта медицина персоналына – 2,5-әр мең һум.

Түләүҙәргә ҡушып, айырым климат шарттарында эшләгәндәр өсөн район коэффициенты ла иҫәпләнә.

Башҡортостан