Киндер бәләһе

Учалы район-ара прокуратураһы хәбәр итеүенсә, 37 йәшлек яҡташыбыҙҙың өй сарҙағында 22 грамм наркотик – марихуана (киндерҙән яһала) һаҡлауы асыҡлана. Һатыу маҡсатын ҡуймайынса наркотикты алған һәм һаҡлаған өсөн енәйәт эше ҡуҙғатыла (РФ Енәйәт Кодексының 228-се статьяһының 1-се өлөшө). Ярар ҙа, һатып маташыуы асыҡланмай, ул осраҡта яуаплылыҡ бик күпкә ҡатыраҡ булыр ине.

Яҡташыбыҙ ғәйебен таныған, ти, материалдар судҡа йүнәлтелгән.

...Ҡурсаланыу осоронда барыбыҙға ла үҙебеҙҙе айырыуса тәртипле тотор кәрәк!