Карантинға ябылған Ҡыуатов исемендәге дауаханалағы ике табиптың коронавирусҡа анализ һөҙөмтәләре билдәле булды.

Баш табип Эльза Сыртланова социаль селтәрҙә яҙыуынса, уларҙа инфекция асыҡланмаған. Хәҙер башҡаларҙың анализ һөҙөмтәләре көтөлә. Быға тиклем Ҡыуатов исемендәге дауаханала ике пациент һәм биш хеҙмәткәргә пневмония диагнозы ҡуйылды. Улар инфекция дауаханаһына оҙатылды, ошонда уҡ коронавирусҡа тест эшләнә.