Дауыл көтөлә

Башҡортостанда Ғәҙәттән тыш хәлдәр министрлығы елдең тиҙлеге секундына 20 метрға етеүе хаҡында иҫкәртә. Ведомствоның матбуғат хеҙмәте мәғлүмәттәре буйынса, 15 апрелдә киске сәғәт 8-ҙән 16 апрелгә киске сәғәт 8-гә тиклем болотло һауа торошо, төндә аяҙыраҡ булыуы фаразлана. Төндә урыны менән бер аҙ ҡар ҡатыш ямғыр, көндөҙ ҡыҫҡа ваҡытлы ямғыр, урыны менән йәшен, көньяҡ-көнсығышта башлыса яуым-төшөмһөҙ. Ел көньяҡ-көнбайыштан, көнбайыштан, тиҙлеге секундына 8-13 метр, урыны менән 15-20 метрға етеүе ихтимал. Һауа температураһы төндә +2, +7, көндөҙ +7, +12 градус.

Өфөлә болотло һауа торошо көтөлә, төндә аяҙыраҡ. Төндә яуым-төшөмһөҙ, көндөҙ ҡыҫҡа ваҡытлы ямғыр. Ел көньяҡ-көнбайыштан, көнбайыштан, тиҙлеге секундына 8-13 метр, урыны менән 17 метрға тиклем. Төндә һауа температураһы +4, +6, көндөҙ +9, +11.

Бофорт шкалаһы буйынса, елдең секундына 17-20 метр тиҙлектә иҫеүе дауыл тип йөрөтөлә. Ошондай көслө ел иҫкәндә, ағастарҙың ботаҡтары һына. Бындай һауа торошо йылға транспорты төрҙәре өсөн хәүефле.

http://www.bashinform.ru/news/1439151-burya-mchs-bashkirii-preduprezhdaet-o-silnykh-poryvakh-vetra-do-20-m-s/