МӘСКӘҮҘӘР ТИКШЕРӘ БАШЛАНЫ

Рәсәй Федерацияһының генерал прокуратураһы Г.Ҡыуатов исемендәге Республика клиник дауаханаһында пациенттарға һәм хеҙмәткәрҙәренә Covid-19 инфекцияһы йоғоу буйынса Башҡортостан прокуратураһы үткәргән тикшереүҙе күҙәтеү аҫтына алған. “Прокуратура санитар-эпидемологик йәһәттән закондар үтәлешен, шулай уҡ төбәктең тикшереүсе һәм һаулыҡ һаҡлау органдарының тейешле саралар ҡабул ителеүен баһалаясаҡ”, – тип белдерә федераль күҙәтеү ведомствоһы. Тикшереү һөҙөмтәләре буйынса етешһеҙлектәрҙе бөтөрөү буйынса саралар күреләсәк, ғәйеплеләр яуапҡа тарттырыласаҡ.

Фото: “Башинформ”