Башҡортостанда шәхси эшҡыуарҙар һалым инспекцияларына бармайынса ябыла ала

Шәхси эшҡыуарҙар эшмәкәрлектәрен һалым инспекцияларына бармайынса туҡтата ала. Федераль һалым хеҙмәте «Юридик берәмектәрҙе һәм шәхси предприятиеларҙы дәүләт теркәүе» сервисын эшләп бөттө. Унда электрон ҡултамғаһыҙ Рәсәй Һалым хеҙмәтенең республика буйынса 39-сы район-ара инспекцияһына ғариза ебәрергә мөмкин. Сикләүҙәр ғәмәлдә булған осорға ошондай мөмкинлек бирелде.

«Ғариза менән бер үк ваҡытта паспорт биттәренең скан-образы йәки фотоһүрәте ебәрелә. Бынан тыш, шәхесте раҫлау өсөн ошо документ менән шәхси фото (селфи) эшләргә кәрәк», — тип аңлаттылар Федераль һалым хеҙмәтенең Башҡортостан буйынса идаралығында.

Документтар биш эш көнөндә ҡарала, һуңынан яуап ғариза бирелгән саҡта күрһәтелгән электрон почтаға йүнәлтелә.

http://www.bashinform.ru/news/1443444-v-bashkirii-ip-mogut-zakrytsya-udalenno-bez-poseshcheniya-nalogovykh-inspektsiya/