«Һөйөклө сабый» иртә үҫеш абилитация үҙәге 13,14 майҙа өс йәшкә тиклемге балалар тәрбиәләү буйынса онлайн вебинарҙар уҙғара. Ата-әсәләргә Рәсәйҙең абруйлы белгестәре кәңәш бирәсәк. Бушлай дәрестәр йәш төркөмдәренә бүленеп өс йүнәлеш буйынса уҙғарыла. Вебинарҙа сабыйҙарҙың физик торошо, аң үҫешенә, ата-әсә менән бала араһындағы мөнәсәбәткә бәйле мәсьәләләр тикшерелә. Унда ҡатнашыу өсөн 8-(347)-287-29-02, 8-(347)-287-29-02 һандарына шылтыратырға кәрәк.