Һеңлеһен үлтергән

Башҡортостанда 17 йәшлек ҡыҙ һеңлеһен таста батырып үлтергән. Суд уға бер йыл «өйҙә һаҡ аҫтында ултырырға» тигән хөкөм ҡарары сығарҙы.2019 йылдың сентябрендә Салауатта 17 йәшлек ҡыҙ 7 йәшлек һеңлеһенең башын һыулы тасҡа тығып, ул тонсоҡҡансы тотҡан. Йәнәһе, ҡыҙыҡай уға дәрес әҙерләргә ҡамасаулаған - өлкән ҡыҙ кадет мәктәбендә һәйбәт уҡыған.Тәүҙә эште «Үлтереү» статьяһы буйынса тикшергәндәр, ләкин аҙаҡ «Һаҡһыҙлыҡ буйынса үлтереү» тип үҙгәрткәндәр. һөҙөмтәлә суд бер йылға ҡыҙҙың иркен сикләгән: ул өйҙә һаҡ аҫтында ултырырға тейеш, әммә сикләүҙәр бар. Ниндәй сикләүҙәр икәнлеге аныҡланмай.Билдәле булыуынса, ҡыҙҙар тәрбиәгә алған ғаиләлә йәшәгән.

Башҡортостаным яңылыҡтары