Ял көндәре эҫе була

Яҙҙың һуңғы ял көндәрендә Башҡортостанда эҫе һауа торошо фаразлана. Һауа 30 градусҡаса йылына. Яуым-төшөм көтөлмәй.

Шәмбе, 30 майҙа, һауа температураһы төндә +8,+13, көндөҙ +23,+28 градус була.

Йәкшәмбе, 31 майҙа, урыны менән ҡыҫҡа ваҡытлы ямғыр яуыуы, йәшен йәшнәүе ихтимал. Ел йүнәлешен үҙгәртеүсән талғын, йәшен ваҡытында көсәйеүсән. Һауа температураһы төндә +9,+14 градус. Көндөҙ термометр бағанаһы +20,+25, республиканың көньяғында +30 градусҡа тиклем күтәрелә.

Дүшәмбе, 1 июндән, эҫе һүрелә башлай. Йәйҙең тәүге көндәрендә синоптиктар бер аҙ ямғыр вәғәҙәләй. Төндә һауа температураһы +6, көндөҙ +14,+15 градус була. Киләһе ял көндәренә йәйге эҫе әйләнеп ҡайта.

http://www.bashinform.ru/news/1456003-v-bashkirii-poslednie-vesennie-vykhodnye-budut-zharkim