Коронавирусҡа ҡаршы хәүефһеҙлек саралары күрелә

Бөгөн Конституцияға төҙәтмәләр индереү буйынса Дөйөм Рәсәй тауыш биреүҙең һуңғы көнө икәнен дә оноторға ярамай. Тауыш биреү буйынса участкалар иртәнге сәғәт 8-ҙән киске 8-гә тиклем эшләй. Шулай уҡ өйҙән сыҡмайынса ла был сарала ҡатнашырға була, бының өсөн үҙегеҙ беркетелгән участкаға 17.00 сәғәткә тиклем мөрәжәғәт итә алаһығыҙ. Әйткәндәй, тауыш биреү участкаларында инфекция таралыуына юл ҡуймау маҡсатында бөтә саралар ҙа күрелә: бирсәткә, битлек һәм ручка бирелә, бинаны даими рәүештә дизенфекциялап торалар, 1,5 - 2 метр арауыҡ күҙәтелә, килгән бер кешенең температураһын үлсәйҙәр.