Башҡортостанға субтропик йылы килә

Республикала был аҙна эҫе булырға вәғәҙәләй, тип фаразлай Башгидрометүҙәк синоптиктары.

«Субтропик йылы таралыуға бәйле алдағы көндәрҙә температураның норманан 4-7 градусҡа юғарыраҡ булыуы көтөлә. Аҙна аҙағында төнгө сәғәттәрҙә һауа температураһы 14-19-ҙан 17-23 градусҡаса күтәрелә, көндөҙ +28, +33-тән +31, +36-ға тиклем», — тип хәбәр ителә метеохеҙмәт сайтында.

Шул уҡ ваҡытта республикабыҙ өсөн максималь һауа температураһының +38 градусҡа тиклем һәм унан юғарыраҡ күтәрелеүе үтә эҫелек критерийы булып тороуы билдәләнә.

Аҙна һуңына эҫе бер аҙ һүрелә. Һауа температураһы түбәнәйә: төндә +13,+18, көндөҙ +26,+30, көньяҡта +34 градусҡа тиклем. Һалҡын фронт үткән саҡта республиканың төньяҡ райондарында йәшенле ҡойма ямғыр, урыны менән боҙ-борсаҡ яуыуы, көслө ел иҫеүе ихтимал.

"Башинформ"

https://www.bashinform.ru/news/1470407-budet-zharko-bashkiriyu-nakroet-subtropicheskoe-teplo/