Һарымһаҡтан аш тәмләткес

Һарымһаҡ сәскәһен хужа­бикәләр әрәм итмәй, төрлө ысул менән ҡышҡылыҡҡа ризыҡ әҙер­ләй: тоҙлай ҙа, маринадлай ҙа. Беҙ һеҙгә борщ өсөн тәмләткес тәҡдим итәбеҙ. Бының өсөн 200 г һарымһаҡ сәскәһе, 200 г укроп, 70 – 100 г зәйтүн майы кәрәк. Сәскәле һабаҡты 3 – 4 см оҙонлоғонда турарға. Һуңынан блендерға һа­лып иҙергә. Һарымһаҡлы бутҡаға туралған укроп, зәйтүн майы һалып болғатырға. Фольганы 10x10 см итеп ҡырҡып, эсенә бер ҡалаҡ ошо массаны һалып, һы­уытҡысҡа туңдырырға ҡуйыр­ға. Борщҡа, картуф иҙмәһенә һалырға хуш еҫле тәмләткес килеп сыға.