Башҡортостан властары урман янғынын һүндергәндә һәләк булған ирекмәндең ғаиләһенә ярҙам күрһәтә

Башҡортостан башлығы Радий Хәбиров Сермән ауылынан һәләк булған ирекмәндең ғаиләһенә ярҙам күрһәтергә ҡушты. 60 йәшлек Рәсүл Сафин үҙ теләге менән Белорет районындағы Ҡыраҡа һыртына юлланған. Ир-уҙаман йөрәге ҡушыуы буйынса урман янғыны менән көрәштә ярҙам итергә теләгән. Ләкин ул урынға барып етә алмаған – йөрәге туҡтаған. Ерләү эштәрен ойоштороуҙа район хакимиәте ярҙам иткән.

Республика етәксеһе мәрхүм ирекмәндең туғандары менән осрашты.

«Беҙ коллегабыҙҙы юғалттыҡ, тип әйтергә мөмкин. Ирегеҙ һәйбәт кеше булған. Ауыр ҡайғығыҙҙы уртаҡлашам, — тине Башҡортостан башлығы Рәсүл Сафиндың тол ҡатынына. — Беҙгә иҫәп тота алаһығыҙ. Һеҙгә тағы нисек ярҙам күрһәтеү хаҡында уйлашырбыҙ».

Ауылдаштары әйтеүенсә, Рәсүл яуаплы кеше һәм яҡшы ғаилә башлығы булған, күп йылдар колхозда водитель, ә һуңғы өс-дүрт йылда балалар баҡсаһында ҡаҙанлыҡ операторы булып эшләгән.

"Башинформ"

https://www.bashinform.ru/news/1476711-vlasti-bashkirii-podderzhat-semyu-pogibshego-volontera-pri-tushenii-lesnykh-pozharov-/