Яйыҡ
-11 °С
Болотло
75 лет Победы
Бөтә яңылыҡтар
Новости
25 Июль 2020, 12:40

Сауҙа үҙәктәрен яңынан ябыуҙары ихтимал

Иң күп тәртип боҙоуҙар сауҙа өлкәһендә теркәлгән.

Республика Хөкүмәтендә эре сауҙа селтәрҙәре вәкилдәре ҡатнашлығында республиканың сауҙа үҙәктәрендә һәм магазиндарында эпидемиологик хәлгә бәйле сараларҙы күҙәтеүгә арналған кәңәшмә үтте.
– Табиптар, инфекционистар, “Роспотребнадзор” идаралығы белгестәре менән кәңәшләшкәндән һуң ошондай фекергә килдек: инфекция таралыуға ҡаршы һөҙөмтәле көрәште дауам итеүҙең берҙен-бер ысулы – транспорт, магазиндар, дауаханалар, сауҙа үҙәктәре, фитнес-клуб кеүек зарарланыу хәүефе юғары булған урындарҙа ябай һаҡланыу ҡағиҙәләрен үтәргә. Бындай урындарҙа битлек режимы һәм социаль ара мотлаҡ булырға тейеш, биналарҙы даими эшкәртеп тороу фарыз, – тине республика Башлығы Радий Хәбиров.
Билдәләнгән сараларҙы үтәүҙе күҙәтеү буйынса рейдттар 16 апрелдә башланғайны. Хөкүмәт Премьер-министры урынбаҫары Ирек Сәғитов хәбәр итеүенсә, 23 июлгә ҡарата мобиль төркөмдәр 41 меңдән ашыу ойошманы тикшереп, 643 протокол төҙөгән. Иң күп тәртип боҙоуҙар сауҙа өлкәһендә теркәлгән.
– Беҙ яңынан сауҙа учреждениеларын һәм башҡа йәмәғәт урындарын ябырға теләмәҫ инек. Әммә был күрелгән сараларҙың һөҙөмтәлелегенә һәм сауҙа үҙәктәренә килгәндәрҙең, хеҙмәткәрҙәрҙең был сараларҙы үтәүенә бәйле буласаҡ, – тине Хөкүмәт Премьер-министрының беренсе урынбаҫары Андрей Назаров.
Фото:
news.myseldon.com
Автор: Рәмилә Мусина.
https://bash.rbsmi.ru/articles/s-l-m-t-bulayy/Sau-a--kt-ren-ya-inan-yabiu-ari-ihtimal-380465/
Читайте нас в