Ҡотҡарыусылар күперҙән һикереүселәрҙе эҙләйҙәр.

Ҡотҡарыусылар күперҙән һикереп һәләк булған ике егетте эҙләйҙәр. Был хаҡта БР-ҙың Ғәҙәттән тыш хәлдәр буйынса дәүләт комитеты рәйесе Фәрит Ғүмәров белдерҙе. Хәл Өфө һәм Салауат ҡалаларында теркәлгән.

Белгес әйтеүенсә, уҙған аҙнала республиканың һыу ятҡылыҡтарында дүрт кеше батып үлгән. Шулай уҡ төрлө бейеклектәрҙән ҡолап төшөү осраҡтары артҡан. Балалар ғәҙәттә күп ҡатлы йорттарҙа асыҡ ҡалған тәҙрәләрҙән ҡолай. Шулай уҡ бейек спорт ҡоролмаларынан, күперҙәрҙән йығылыу осраҡтары ла бар.

Балаларҙы ҡарауһыҙ ҡалдырмайыҡ. Уларға хәүефһеҙлек ҡағиҙәләрен аңлатайыҡ.