Кемдәрҙең пенсияһы арта һуң?

Рәсәй Пенсия фондынан хәбәр итеүҙәренсә, 80 йәше тулғандарҙың быйыл пенсиялары 5000 һумға артасаҡ. Шулай итеп, 2020 йылда 80 йәше тулған һәр кешенең пенсияһы автоматик рәүештә артып киләсәк. Быға тәғәйенләнгән аҡса күләме быйыл индексацияланған. Хәҙер ул 5686,25 һумға еткән. Пенсия фондында аңлатыуҙарынса, 80 йәш тулғас, пенсия киләһе айҙан артып килә башлаясаҡ, бының өсөн бер ниндәй ғариза йәки белешмә бирергә кәрәкмәй. Бары тик үҙ-үҙегеҙҙе һаҡлап һәм яҡлап, дәүләт биргән аҡсаларҙың игелеген күреп, иҫән-имен йәшәйһе генә ҡала.

Сығанаҡ: mk.ru

Фото: Pixabay.ru