Сырлы ҡоймаҡтар

Әҙерләү өсөн 1,5 ст һөт, 2 йомортҡа, 1 ст он, 150 гр сыр, 1 сәй ҡалағы тоҙ, 1 сәй ҡалағы шәкәр, 1 сәй ҡалағы ҡамыр ҡабартҡыс, 2 аш ҡалағы көнбағыш майы, теләк буйынса укроп кәрәк буласаҡ.

Йылы һөткә шәкәр, тоҙ, йомортҡа, он, ҡамыр ҡабартҡысты ҡушып бутайбыҙ. Сырҙы ваҡ ҡырғыстын үткәреп массаға өҫтәйбеҙ. Өҫтөнә туралған укроп, көнбағыш майын һалып туғыйбыҙ. Майланған табала ике яҡлап бешерәбеҙ. Әҙер ҡоймаҡты аҡ май менән майлайбыҙ. Эҫе көйө бигерәк тәмле ашауы.

Гөлнора Йәмилева

Фото: интернет