Ҡышҡылыҡҡа татлы помидорҙар

Алдан стерилләп әҙерләп ҡуйылған өс литрлы банка төбөнә бер-ике укроп зонтигы, дүрт-биш бөртөк ҡарағат, һәм сейә япрағы, 3-4 теш һарымһаҡ һалабыҙ ҙа алдан йыуып әҙерләп ҡуйған помидорҙарыбыҙҙы тултырабыҙ. Артабан өҫтөнә ҡайнар һыу ҡойоп, ун минут тотоп торабыҙ. Был ваҡыт үткәс, банкалағы һыуҙы кире кәстрүләгә ҡойоп, 1,5 -2 аш ҡалағы тоҙ, 6-8 аш ҡалағы шәкәр ҡомо, борсаҡлы борос, хуш еҫле борос, гвоздика һалып кире ҡайнатабыҙ – был беҙҙең тоҙлоҡ була. Помидорҙар өҫтөнә өс аш ҡалағы 9% аш һеркәһе өҫтәп, ҡайнап сыҡҡан тоҙлоҡто ҡойоп, тимер ҡапҡас менән ҡаплап ҡуябыҙ. Бына шулай татлы ысул менән тоҙланған помидор килеп сыға. Аштарығыҙ тәмле булһын!

Автор фотоһы.

Автор: Миләүшә Сайтакова