500-сө бала тыуҙы!

Учалы ҡалаһының ЗАГС бүлегендә быйыл 500-сө бала тыуыуы тураһында акт теркәлде. Лилиә менән Илнур Мөхәмәтовтарҙың ғаиләһенә йәм өҫтәп донъяға килгән сабый ул. Балаға Тимур тип исем ҡушҡандар. Сабыйҙың атаһын - Илнур Марс улын күптәр белә - төп эшенән тыш ул Ирәмәл тауына экскурсиялар ойоштороу менән шөғөлләнә. Лилиә Михайловна - тау-байыҡтырыу комбинатында иҡтисадсы. Ҡустыһының донъяға килеүен икенсе класҡа күскән Илдар ҙа түҙемһеҙләнеп көткән. Сабыйға һәм уның ата-әсәһенә ныҡлы һаулыҡ теләйбеҙ.