Яйыҡ
-20 °С
Болотло
75 лет Победы
Бөтә яңылыҡтар
Новости
7 Сентябрь 2020, 12:55

Билетҡа... 500 мең һум түләгән

Белорет ҡалаһында йәшәгән 60 йәшлек ҡатын Белорет буйынса эске эштәр бүлегенә банк картаһынан 500 мең һумдан ашыу аҡсаһын урлауҙары тураһында ғариза яҙаған.

Белорет ҡалаһында йәшәгән 60 йәшлек ҡатын Белорет буйынса эске эштәр бүлегенә банк картаһынан 500 мең һумдан ашыу аҡсаһын урлауҙары тураһында ғариза яҙаған.
Ҡатын интернет-сайт аша ҡыҙына авиабилет һатып алған. Билеттың дөйөм хаҡы 40 мең һум торған булған. Сайтҡа ул үҙенең белешмәләрен һәм банк картаһының һандарын индергән, әммә аҡса күсеүе тураһында смс-хәбәр алмаған.
Бынан һуң ул үҙенең шәхси кабинеты аша инеп банк иҫәбен тикшерергә булған, тик уны күңелһеҙ хәл көткән – унда булған аҡсаһы тулыһынса юҡҡа сыҡҡан.
Полицейскийҙар ҡатындың билетҡа “игеҙәк” сайт аша заказ биргәнен асыҡлай, йәғни ханым мутлашыусылар ауына эләккән.
Был осраҡ буйынса Рәсәй Федерацияһы Енәйәт кодексының 158-се статьяһы буйынса енәйәт эше ҡуҙғатылған.
Фото: egov-buryatia.ru
Автор: Рәмилә Мусина
Читайте нас в