Ғафури районы “Красноусол” шифаханаһы базаһында республикабыҙҙың ижади эшләгән талантлы башҡорт теле һәм әҙәбиәте уҡытыусылары оло ҡорға йыйылды.

Ғафури районы “Красноусол” шифаханаһы базаһында республикабыҙҙың ижади эшләгән талантлы башҡорт теле һәм әҙәбиәте уҡытыусылары оло ҡорға йыйылды. Бай программалы форумда районыбыҙҙан Учалы ауылы башҡорт гимназияһының башҡорт теле һәм әҙәбиәте уҡытыусыһы, Башҡортостандың атҡаҙанған уҡытыусыһы Хәкимова Гөлдәр Арыҫланғәли ҡыҙы, Иманғол урта мәктәбенән талантлы йәш шағир Бүләков Фәнил Нил улы, 1-се башҡорт лицейы директоры урынбаҫары Ғәбитова Гөлсинә Мөхтәр ҡыҙы, Учалы ҡалаһының 1-се һанлы балалар баҡсаһы тәрбиәсеһе Төхвәтуллина Альбина Ғәлләм ҡыҙы ҡатнаша. Сарала оҫталыҡ дәрестәре, тренингылар, ижади кисәләр ойошторолоуы ҡаралған. Форум һуңында ҡатнашыусыларҙы Башҡортостан Республикаһы Башлығы Р.Ф. Хәбиров менән осрашыу көтә.