Бәшмәктән икра

Көҙгө ямғырҙар мәлендә бәшмәктәр күпләп өлгөрә. Әгәр ҙә уларҙан ҡышҡылыҡҡа икра әҙерләп ҡуйһағыҙ, үкенмәҫһегеҙ.

Уның өсөн 2 кг бешкән бәшмәктәр, 1 эре кишер, 2 һуған, 2 эре помидор кәрәк.

Йәшелсәләрҙе ит үткәргестән үткәрәбеҙ, уға 0,5 ст көнбағыш майы, 2 сәй ҡалағы тоҙ, семтем шәкәр, ҡара борос өҫтәйбеҙ. 10 минут быҡтырабыҙ, аҙаҡ ит үткәргестән үткәрелгән бәшмәк һалып тағы ла 20 минут быҡтырабыҙ. Бешер алдынан 2 аш ҡалағы уксус һәм 5 телем һарымһаҡ өҫтәйбеҙ. Аҙаҡ эҫе килеш стерилләнгән банкаларға тултырырға ғына ҡала.

Фото: инстаграмдан

Гөлнора Йәмилева