Ут менән һаҡ булығыҙ!

Телевышка ултырған тауҙан төтөн өйөрмәһе күтәрелә. Сирена ҡабыҙып янғын һүндереү автомобиле үтте ул яҡҡа ҡарап. Кемгәлер “әбейҙәр сыуағы”, кемгәлер – ауыр өҫтәмә эш.

Йәшеллекте ҡырау һуғып оҙайлы көҙгө ямғырҙар башланғанға тиклем дәүер – урмандарҙа янғын йәһәтенән хәүефле осор. Ҡоро үлән-япраҡтарға гөлт итеп ут тоҡанырға ғына тора. Был осорҙа ут менән айырыуса һаҡ булығыҙ, яҡташтар! Илебеҙҙең төрлө тарафтарында янғындар нисек ҡотороуын телевизорҙан күреп торағыҙҙыр бит инде.....