Бөтә яңылыҡтар
Новости
20 Октябрь 2020, 16:15

Йөҙөм һыуы файҙалы

Яҙғыһын кеше организмы арый, хәлһеҙләнә, витаминдарға ҡытлыҡ кисерә. Тап ошо мәлдә йөҙөм, күрәгә кеүек емештәрҙе даими ҡулланырға кәңәш итә белгестәр.Йөҙөм минераль матдәләргә һәм витаминдарға бай. Уның 20-25 процентын ҡан тарафынан бик тиҙ үҙләштерелгән глюкоза тәшкил итә. Шуға күрә был емеште ауыр физик йәки аҡыл хеҙмәте менән шөғөлләнгән кешеләргә даими ашарға кәңәш итәләр.

Яҙғыһын кеше организмы арый, хәлһеҙләнә, витаминдарға ҡытлыҡ кисерә. Тап ошо мәлдә йөҙөм, күрәгә кеүек емештәрҙе даими ҡулланырға кәңәш итә белгестәр.Йөҙөм минераль матдәләргә һәм витаминдарға бай. Уның 20-25 процентын ҡан тарафынан бик тиҙ үҙләштерелгән глюкоза тәшкил итә. Шуға күрә был емеште ауыр физик йәки аҡыл хеҙмәте менән шөғөлләнгән кешеләргә даими ашарға кәңәш итәләр.Йөҙөмдә глюкоза һәм тимерҙең концентрацияһы юғары булғанға күрә, ул аҙ ҡанлылыҡты иҫкәртеү, гемоглобинды күтәреү һәләтенә эйә.Йөҙөмдөң үҙе генә түгел, унан яһалған төнәтмә лә файҙалы. Ул бигерәк тә бөйөр, бауыр сирҙәренән яфаланғандарға килешәсәк. Төнәтмә түбәндәгесә әҙерләнә: ҡайнап сыҡҡан ике стакан һыуға 150 грамм йөҙөм һалып, 20 минут самаһы талғын утта тотоғоҙ һәм шул килеш ябып, төнгөлөккә ҡалдырығыҙ. Иртәнсәк ас ҡырынға, артабан төш һәм кис ашар алдынан яртышар стакан эсергә кәрәк.Йөҙөм һыуы бауырҙы таҙарта, организмдан токсиндарҙы сығарыуға булышлыҡ итә, аш эшкәртеү процесын көйләй.Йөҙөмдә глюкоза миҡдары юғары булғанлыҡтан, ул шәкәр диабеты менән сирлеләргә кәңәш ителмәй, ә бына төнәтмә итеп эшләгәндә, ундағы шәкәр нисбәте күпкә кәмей.Гөлдәр ЯҡшығоловА.
Читайте нас в